Konfirmasjon er ein flott fest i kyrkja og i familien, -ein fin tradisjon og ei stadfesting på at Gud elskar deg og alltid er med deg. Frå eit kristent perspektiv er Du uendeleg verdifull og Du er svært viktig for andre menneske og naturen. Vi ønsker å formidle kristen livstolking og livsmeistring som kan sette ditt liv i ein større samanheng.

Då du vart døypt, vart du Guds barn og Han lova å alltid vere med deg. Vi ønskjer at du skal oppleve at det framleis gjeld og at du høyrer til i kyrkja.

Om du ikkje er døypt, er du likevel velkomen til å vere konfirmant. Då blir det avtala ein dag for dåp før konfirmasjonen.

Førebuing til konfirmasjon handlar om ditt liv og dine spørsmål. Du får høve til å reflektere over livet i eit fellesskap med andre konfirmantar og kyrkjelyden. Konfirmasjon handlar også om å bli betre kjend med kristen tru gjennom kristen tru og tradisjon.


I løpet av konfirmantåret vert det læring, leik og godt fellesskap, og konfirmantleir i delar av vinterferien.
Har du behov for eit spesielt tilrettelagt konfirmantopplegg, så ta kontakt slik at vi kan avtale ein samtale for best mulig tilrettelegging.